“Mini futbol” stadioni foydalanishga topshirildi
Oʻzbekiston Respublikasi davlat mustaqilligining 34 yilligi munosabati bilan “Ammofos-Maxam” AJ hamda “Ammofos-Maxam” AJ OYoXTTEB hamkorligi asosida qurib bitkazilgan zamonaviy “Mini futbol” stadioni tantanali ravishda foydalanishga topshirildi.
Ushbu sport inshootining foydalanishga topshirilishi korxona ishchi-xodimlari uchun sogʻlom turmush tarzini targʻib qilish, jismoniy tarbiya va sportni yanada rivojlantirishga xizmat qiladi.
Stadion barcha qulayliklarga ega boʻlib, unda sport musobaqalarini oʻtkazish, yosh iste’dodlarni qoʻllab-quvvatlash va xodimlar oʻrtasida doʻstona muhitni shakllantirish uchun keng imkoniyatlar yaratilgan.
“Ammofos-Maxam” AJ Matbuot xizmati